Линктер

ЧУКУЛ КАБАР!
шейшемби, 25-февраль, 2020 Бишкек убактысы 09:56

Окуучуну тепкен мугалим жазаланды


Иллюстрациялык сүрөт.

Чүйдө окуучуну тепкени видеого тартылып, Интернетке тараган мугалим жазага тартылды. Бул тууралуу «Азаттыкка» Билим берүү жана илим министрлигинин басма сөз катчысы Акылбек Орозматов билдирди.

Анын айтымында, окуянын чоо-жайын териштириш үчүн Жайыл райондук билим берүү бөлүмүнүн башчысы Талантбек Арыков бүгүн, 6-февралда Кара-Балта шаарынын №2 мектебинде ата-энелердин катышуусу менен чогулуш өткөрдү.

- Жыйын учурунда бул мугалим күнөөсүн мойнуна алып, ата-энелерден кечирим сурады. Ата-энелер ага карата дооматы жок экенин билдиришти. Бирок педагогикалык этиканын нормаларын бузгандыгы үчүн мугалимге сөгүш берилди, - деди Орозматов.

Кара-Балта шаарындагы №2 орто мектептеги дене тарбия мугалиминин сабак учурунда эки окуучуну тепкен видеосу 5-февралда Интернетке жарыяланып, кызуу талкуу жаратууда. (RK)

Пикирлерди көрүңүз (3)

XS
SM
MD
LG