Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 10:16

«Союз» космос кемеси Казакстанга конду


«Союз МС-13» кемеси экипаждын үч мүчөсү менен Эл аралык космос станциясынан Казакстанга келип конду. 61-экспедициянын катышуучулары – орусиялык Александр Скворцов, италиялык Лука Пармитано жана АКШ жараны Кристина Кук.

Кук космосто 328 күн жүрүп, аялдар арасындагы рекордду жаңыртты. Мурдагы рекорд 2017-жылы космосто 288 күн жүргөн америкалык Пегги Уитсонго таандык болгон.

Пармитано менен Скворцов космосто 201 күн болушту.

Кеменин капсуласы Жезказган шаарынан 150 чакырым аралыктагы жерге келип конду. Орбитадагы ишти орусиялык космонавт Олег Скрипочка жана америкалык астронавттар Жессика Меир менен Эндрю Морган улантат.

Кристина Кук космоско биринчи жолу учкан. Муну менен изилдөөчүлөр космосто узак жүрүүнүн аялдын организмине тийгизген таасирин иликтөөгө мүмкүнчүлүк алышты. Бул НАСАнын Айга кайра баруу жана Марсты өздөштүрүү планы менен байланыштуу.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG