Бишкек шаарында мектеп окуучусунун өлүмүн Свердлов райондук милициясы иликтеп жатат.
Шаардык ички иштер башкармалыгынын басма сөз кызматы билдиргендей, 16 жаштагы өспүрүмдүн (эркек бала) сөөгү №16 мектептин ажатканасынан 11-февралда табылды. Аны мектептин кароолчусу байкап калган.
Маркум өзү шаардагы №64 мектепте окуган. Окуянын чоо-жайы азырынча маалым эмес.
Милиция өспүрүмдүн сөөгү башка мектептен табылганы да табышмактуу экенин айтууда. (SE)
