Линктер

ЧУКУЛ КАБАР!
бейшемби, 2-апрель, 2020 Бишкек убактысы 18:19

Бокоев: Шайлоочуларды кошумча каттоонун кесепети кооптуу


Кенжебек Бокоев.

Жогорку Кеңештин депутаты, «Республика - Ата Журт» фракциясынын мүчөсү Кенжебек Бокоев «Азаттыктын» «Эки бир» көрсөтүүсүндө суроолорго жооп берип жатып ушундай пикирин билдирди.

Бокоев шайлоочуларды кошумча каттоону шайлоого катышууну көздөгөн айрым саясатчылардын ойлоп тапканы деп эсептейт.

«Мисалы, Ош шаарында мурунку шайлоодо 70 миң киши добуш берүүгө катышкан экен. Эми дагы 40 миңге чукул адам башка жактардан барып, убактылуу каттоого турду. Албетте, алардын добушу шайлоодо таасир этип, депутаттар шайланып келет. Алар шаардын мэрин шайлашат. Бирок ошону менен Ош шаарынын накта тургундарынын, жарандардын кызыкчылыгы корголбой калып жатпайбы? Мунун кесепети өтө кооптуу. Анткени райондордо шайлоо башталса, шаардыктар барып ал жакка каттоого туруп, шайлай башташат», - деди ал.

Мамлекеттик каттоо кызматынын маалыматына караганда, жакынкы убакта Караколго 2797, Балыкчыга 489, Майлуу-Сууга 272, Токмокко 6950, Ошко 33 805 жаран аймактардан барып каттоого турган. Бул шаарларда 12-апрелде жергиликтүү кеңештерге шайлоо болот.

17-февралда Ош шаарында бир үйгө 1300 жаран каттоого турганы тууралуу маалымат тараган. Мамкаттоо бул жерде мыйзам бузуу жок экенин белгиледи. Ошентсе да, бул окуя Ош ШИИБ тарабынан Кылмыштар менен жоруктардын бирдиктүү реестрине Жазык кодексинин «Добуш сатып алуу» беренеси менен катталып, сотко чейинки өндүрүшкө алынган. (ZKo)

Пикирлерди көрүңүз (4)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG