Линктер

ЧУКУЛ КАБАР!
5-Декабрь, 2021 жекшемби, Бишкек убактысы 11:27

Орусиялыктардын 80% Батыш менен достукту каалайт


Иллюстрациялык сүрөт.

Орус коомунун мындай пикирин «Левада-борбор» уюму өткөргөн сурамжылоо көрсөттү. Ага ылайык, орусиялыктардын 16% гана Батыш өлкөлөрүн атаандаш деп эсептейт. Дагы 3% Батышты душман көрөт.

Сурамжылоонун жыйынтыгында орусиялыктар АКШга караганда Евробиримдиктин курамындагы өлкөлөргө карата кыйла жакшы маанайда экени аныкталган. Элдин 49% Евробиримдикке «эң жакшы» же «жакшы» мамиле кылууга даяр экенин билдирсе, АКШга карата 42% ушундай жооп берген. Евробиримдиктин курамындагы өлкөлөр тууралуу орусиялыктардын 37% начар пикирде экенин айтышса, 46% АКШны жек көрөрүн билдиришкен.

Орусиялыктардын 52% НАТОнун курамындагы мамлекеттерден сак болуш керек экенин айтышкан. Ошол эле учурда сурамжылоого катышкан орусиялыктардын жарымынан көбү Орусия Батышка коркунуч жаратат деп эсептей турганын билдиришкен.

Өткөн жылдын сентябрь айында өткөрүлгөн сурамжылоо орусиялыктардын Батыш өлкөлөрүнө жана АКШга карата маанайы кыйла оңолгонун көрсөткөн. Маселен, 2019-жылдын май айындагы сурамжылоого катышкан орусиялыктардын болгону 12% гана АКШга карата жакшы пикирде экенин билдирген. (YI)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG