Линктер

ЧУКУЛ КАБАР!
дүйшөмбү, 30-март, 2020 Бишкек убактысы 16:14

Блогер Сыдыманов абакта катаал мамиле болбогонун билдирди


Элмирбек Сыдыманов.

Блогер Элмирбек Сыдыманов тергөө абагындагы шартка нааразылыгы жок. Бул тууралуу «Азаттык» радиосуна Кыйноого каршы улуттук борбордун директору Нурдин Сулайманов билдирди.

Анын айтымында, мекеменин кызматкерлери Сыдыманов менен 19-февралда жолугуп чыгышты.

«Балдар өзү менен жолугуп чыгышты. Эч кандай адамкерчиликсиз мамиле, кыйноо болбогонун айтты», - деген Сулайманов блогер отурган камерада дагы эки киши бар экенин кошумчалады.

Сыдыманов аймак аралык кастыкты козутуу боюнча шектүү катары эки айга Бишкектеги №1 тергөө абагына камалды.

Анын адвокаттары бөгөт чарасын өзгөртүүнү өтүнүп шаардык сотко арыз беришкени маалым болду.

Бул окуя вайнерлер менен блоггерлердин чыгармачылык эркиндиги жана жоопкерчилиги тууралуу теманы күн тартибине чыгарды. (RK)

XS
SM
MD
LG