Линктер

ЧУКУЛ КАБАР!
19-Март, 2024-жыл, шейшемби, Бишкек убактысы 13:07

Баткен менен Согди облустарынын кызматташуу планы бекитилди


Акрам Мадумаров жана Азим Иброхим. 21-февраль, 2020-жыл.
Акрам Мадумаров жана Азим Иброхим. 21-февраль, 2020-жыл.

Кыргызстандын Баткен облусу менен Тажикстандын Согди облусунун 2020-жылга кызматташуу боюнча иш-чаралар планы бекитилди. 22-февралда Баткен шаарында өткөн жолугушууга өкмөттүн Баткен облусундагы ыйгарым укуктуу өкүлү Алишер Абдрахманов жана Согди облусунун аткаруу бийлигинин төрагасы Ражоббой Ахмадзода кол койду.

Иш-чаралар планы 33 пункттан турат. Анда негизинен социалдык-экономикалык кызматташуу, билим берүү, саламаттык сактоо, маданият, спорт жана жаштар саясаты, үй-бүлө жана аялдар иштери, туризм, соода-экономикалык байланыш, ынтымакты жана достукту бекемдөө, өзгөчө кырдаалдар учурунда чогуу иштөө сыяктуу жоболор каралган.

Эки облустун кызматташуу планы Кыргызстан менен Тажикстандын вице-премьер-министрлери Акрам Мадумаров менен Азим Иброгим жетектеген чек араны делимитациялоо боюнча өкмөт аралык комиссиянын жумушчу жыйынынын алкагында бекитилди. (JsA)

XS
SM
MD
LG