Жеңишин элине арнаган чемпиондор

Эркин күрөштөн Азия чемпиондору Улукбек Жолдошбеков жана Арсалан Будажапов Бишкекке келишти. Балбандарды “Манас” аба бекетинен күйөрмандары, достору жана жакындары тосуп алышты. Улукбек Жолдошбеков 61 килограммга чейинки салмакта, Арсалан Будажапов 79 килограммга чейинки салмакта Азия чемпионатынын алтын медалын утту. Спорттук күрөш боюнча чоңдор арасында Азия чемпионаты Индиянын Нью-Дели шаарында өтүп, кыргыз балбандары жалпы 2 алтын, 3 күмүш, 6 коло байге утушту.