Линктер

ЧУКУЛ КАБАР!
бейшемби, 2-апрель, 2020 Бишкек убактысы 21:30

Кесиптик кошуун өкүлдөрүнүн нааразылык акциясы өтүүдө


Пикеттин катышуучулары. 25-февраль, 2020-жыл.

Бишкекте бүгүн, 25-февралда Кесиптик кошуундар федерациясынын жетекчиси Мирбек Асанакуновдун кызматтан кетишин талап кылган акция өтүп жатат.

Акциянын катышуучулары Асанакуновго «кызмат ордун мыйзамсыз ээлеп турат, федерациянын мүлкүнө байланышкан жеке кызыкчылыктары бар» деген өңдүү кинелерди коюшууда. Нааразы тарап «Кесиптик кошуундар жөнүндө» мыйзам долбоорунун кабыл алынышына да каршы чыгып жатышат.

Уюштуруучулар нааразылык акциясына кесиптик кошуундардын 200дөй мүчөсү чыкканын, үч киши Асанакуновдун иш бөлмөсүндө ачкачылык кармап отурганын билдиришти.

Мындай нааразылык былтыртан бери улантып келе жатат.

Мирбек Асанакунов Кесиптик кошуундар федерациясын мыйзамсыз жетектеп тургандыгы тууралуу арызды Биринчи май райондук, Бишкек шаардык соту былтыр канааттандырып, бирок Жогорку сот быйыл январь айында жокко чыгарган.

Бул кызматка Асанакунов 2017-жылдын 16-январында шайланган. Ага чейин Жогорку Кеңештин депутаты, Ысык-Көл облусунун губернатору болуп иштеп келген. (MiK)

Пикирлерди көрүңүз (10)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG