Линктер

ЧУКУЛ КАБАР!
16-Май, 2021 жекшемби, Бишкек убактысы 15:28

АКШда демократтардын ички жарышында Байден жеңди


Жо Байден.

АКШда 3-мартта «супер шейшемби» деп аталган күнү 15 штатта демократтардин ички жарышы - праймериз өттү. Баштапкы жыйынтыктарга ылайык, анда мурдагы вице-президент Жо Байден 10 штатта озуп чыкты. «The New York Times» басылмасы Байден 48% чейин добуш алышы мүмкүн экенин жазды. Экинчи орунду сенатор Берни Сандер алды, ал эл эң көп жашаган Калифорния менен Техаста утту.

Гезит ырастагандай, Байденди негизинен афроамерикалыктар менен улгайган адамдар колдоду. Сандерс болсо латын америкалыктар менен жаштардан колдоо тапты. Бул ички жарышта Байденге 253, ал эми Сандерске 185 делегат добуш берди.

Бул жарышта сенатор Элизабет Уоррен менен миллиардер, Нью-Йорк шаарынын мурдагы мэри Майкл Блумберг утулду. Буга чейин Блумберг шайлоо өнөктүгүнө 500 миллион доллар сарптаганы айтылган.

Демократтардын атынан башында президенттикке талапкер болууну каалаган 25 киши чыккан эле. Азыр жарышта алты гана үмүткөр калды.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG