Линктер

ЧУКУЛ КАБАР!
жума, 10-апрель, 2020 Бишкек убактысы 00:56

Караколдо аялдарга карата зомбулукка каршы акция өттү


Каракол шаары. 10-март, 2020-жыл.

Каракол шаарындагы Чыңгыз Айтматов атындагы борбордук аянтта Бишкек шаарында уюштурулган митингди колдогондордун акциясы өттү. Акцияга чыккан он чакты кыз-келин аялдардын жана эркектердин тең укуктуулугун жактап, зомбулукка каршы пикирин билдирди.

«Караколдо туулуп-өскөм. Азыр Алматыда жашайм, Караколго жеке иштерим менен келип, 8-мартта Бишкекте аялдарга карата зомбулукту көрүп, жеке өзүм нааразылык акциясына чыгууну ойлондум. Социалдык тармактарга жазсам, максатыбыз бир болгон айымдар мени колдоп бул жакка келишти. Биздин максат - зомбулукка жол бербөө», - деди акциянын катышуучусу Миргүл Өмүрзакова.

Акцияга чыккандар менен Каракол шаарынын вице-мэринин милдетин аткаруучу Рыспек Кыштобаев жолукту. Ал уюштуруучуларды мыйзамдуулукка үндөдү.

10-мартта Бишкекте аялдардын укуктарын коргоого арналган тынч акция өттү. Ага, уюштуруучулардын айтымында, миңге жакын адам катышты. Милиция катышуучулардын саны 250-300 болгонун билдирди.

Акцияга 8-мартта аялдардын зомбулукка каршы жүрүшүнө чыккандарга жасалган чагым себеп болду. Ал күнү иш-чаранын уюштуруучуларына бет кап жана калпак кийген эркектер тобу кол салган. Бир нече аял да келип, акцияга каршылыгын билдирген. (KS)

Пикирлерди көрүңүз (7)

Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG