Линктер

ЧУКУЛ КАБАР!
шейшемби, 31-март, 2020 Бишкек убактысы 07:43

Кызматкерлерге кол салган аял эки айга камалды


Кызматкерлерди жулкулдаткан аял. (Фото «АКИпресс» агенттигинин видеосунан алынды).

Бишкектин Свердлов райондук соту 2-мартта митинг учурунда президенттин жана парламенттин кеңсеси жайгашкан имаратка кирип-чыккандарга кол көтөрүп, жулкулдаткан аялды эки айга камакка алды. Бул тууралуу 10-мартта «Азаттыкка» шаардык соттун басма сөз кызматы кабарлады.

Ал аял Жаза аткаруу мамлекеттик кызматынын (ЖАМК) №21 абагында 4-майга чейин кармалмай болду.

Тергөөнүн аякташына жараша бул мөөнөт өзгөрүшү ыктымал.

Ички иштер министрлигинин басма сөз кызматы аялдар тобу кызматкерлерге асылган иш боюнча Жазык кодексинин 264-беренеси («Массалык башаламандык») менен сотко чейинки териштирүү башталганын 5-мартта кабарлаган.

«Ыплас сөз сүйлөп, асылган аялдын аты-жөнү аныкталды. 47 жаштагы Ч.Н. аттуу аял 4-мартта Бишкек ШИИБине жеткирилди», деп билдирген милиция мекемеси.

2-мартта Бишкек шаарынын борбордук Ала-Тоо аянтында камактагы саясатчы Садыр Жапаровду бошотууну талап кылган митингдин соңунда чогулгандар менен милиция кагылышкан. Милиция митингдин катышуучуларын күч менен таратып, айрымдарын кармаган. Бул окуя өзүнчө иликтенүүдө. (RK)

Пикирлерди көрүңүз (10)

XS
SM
MD
LG