Линктер

ЧУКУЛ КАБАР!
27-Ноябрь, 2021 ишемби, Бишкек убактысы 15:12

Конституциялык сот Путиндин бийликте калышына жол ачкан долбоорду жактырды


Уруксат берилбеген акциянын катышуучусу. Петербург, 15-март, 2020-жыл.

Орусиянын Конституциялык соту «түзөтүүлөр жөнүндө долбоор Баш мыйзамга туура келет» деген бүтүм чыгарды. Орусиянын президенти Владимир Путин Баш мыйзамга өзгөртүү киргизүү долбоорун 15-январда, Федералдык Жыйынга кайрылуусунан көп узабай сунуш кылган.

Мыйзам долбоору Конституцияга алымча-кошумчалар тууралуу элдик добуш берүүнүн иретинен жана мыйзамды ишке киргизүүнүн жол-жобосунан турат. Өзгөртүүлөр президенттин ыйгарым-укуктарын кыйла кеңейтет.

Түзөтүүлөр Путиндин 2024-жылдан кийин дагы 16 жыл бийликте калышына шарт түзөт. Бул сунуш Орусиянын айрым шаарларында нааразылык жаратып, акция, пикеттер менен коштолууда.

Үч күн мурун карама-каршылыктуу өзгөртүүлөрдү Орусиянын бардык аймактары жактырган. Эми долбоор 22-апрелде элдик референдумга коюлмакчы.

67 жаштагы Путин президент жана премьер-министр катары Орусияны 20 жылдан бери башкарып келатат.

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG