Линктер

ЧУКУЛ КАБАР!
жума, 10-апрель, 2020 Бишкек убактысы 03:16

Кыргызстанда коронавируска чалдыккандар катталган жок


Коомдук транспортту дезинфекциялоо учуру. Ош шаары. Март, 2020-жыл. (Сүрөт Ош мэриясына таандык).

17-мартка карата өлкөдө өпкөнү сезгенткен ооруну жугузгандар катталган жок.

Бул тууралуу коронавирустун алдын алуу штабынын мүчөсү, Саламаттык сактоо министрлигинин «Медициналык профилактика» бирикмесинин жетекчисинин орун басары Кубатбек Садырбеков «Азаттыктын» «Арай көз чарай» талкуусунда билдирди. Анын сөзүнө караганда, Казакстан менен Өзбекстанда коронавируска чалдыккан кишилер аныкталган соң оорунун алдын алыш үчүн чек аралардагы өткөрмө бекеттеринин иши ого бетер күчөтүлдү.

Өкмөттүн жер-жерлердеги өкүлчүлүктөрү Өзбекстан жана Казакстан менен чек аралардагы көзөмөл өткөрүү бекеттеринин иши менен таанышып, текшерүүнү күчөтүүнү сунуш кылышты.

Кыргыз өкмөтү оорунун алдын алуу максатында массалык иш-чараларды өткөрүүгө тыюу салып, түнкү клубдарды, кинотеатрларды, компьютер залдарын, соода борборлорундагы балдар үчүн оюн-зоок аянтчаларын, тамактануучу жайларды жабуу тууралуу чечим кабыл алды. Ошондой эле өпкөнү сезгентүүчү вирустун жайылышына бөгөт коюу үчүн жарандарга эл көп чогулган жерге барбоо, ата-энелерге балдарын үйдө кармоо сунушталды.

Президенттин катышуусу менен өткөн Коопсуздук кеңешинде 16-марттан тартып өлкөдө мектептерди жана окуу жайларды менчиктин түрүнө карабастан үч жумалык тыныгууга таратуу чечилген. (ZKo)

Пикирлерди көрүңүз (5)

XS
SM
MD
LG