Францияда коронавируска байланыштуу 17-марттан тарта катаал карантин башталды. Президент Эммануэль Макрон чек араны жаап, өлкө ичинде ара-бери жүрүүгө да чектөө киргизди. Казакстан менен Өзбекстанда коронавирус жугузуп алгандардын саны өсүп жатат. Тажикстан мечиттерди жапканы менен окуу токтогон жок.Ал арада Кыргызстан чет элдик жарандардын өлкөгө киришине убактылуу чектөө киргизүүнү чечти. Ошондой эле өлкөдө той-аштарга жана куран окутууга тыюу салынды.