Линктер

ЧУКУЛ КАБАР!
13-Май, 2021 бейшемби, Бишкек убактысы 18:16

Ташиев карантиндеги айылдарга азык-түлүк жана беткап таратты


Камчыбек Ташиев Сузактагы карантинге алынган аймакта. 19-март, 2020-жыл.

Сузак районунда карантинге алынган айылдарга Жогорку Кеңештин мурдагы депутаты жана саясатчы Камчыбек Ташиев нан азыктарын, азык-түлүк жана беткап таратты. Блок-пост коюлган Благовещенка айылынын борборуна ал өзү барып, райондук штабга жардамын өткөзүп берди.

«Жалал-Абаддагы чукул кырдаалды жана беткап тартыштыгын эске алып жардам берүүнү чечтим. Ар бир адамдын ден соолугу биз үчүн кымбат. Мындан кийин да жагдайга жараша аракеттер болот», - деди Ташиев.

Бишкек шаарынан жеткирилген 20 миң даана беткап Сузак районунда жана Жалал-Абад шаарында да көчөдөгү тургундарга таратылды.

Сузак районунун акими Эрмек Омошев аймакта учурда азык-түлүк тартыш эмес экенин, зарыл болсо карантиндеги айылдарга жеткирип турарын билдирди.

Саламаттык сактоо министри Космосбек Чолпонбаев 630 миң даана медициналык беткап аймактарга жеткирилгенин 19-мартта журналисттерге билдирди. Алардын баасы он сомдон ашпашы керек, бир адамга 5 даанадан ашык берилбейт. Жергиликтүү цехтер да беткап тигүүгө киришти. Саламаттык сактоо министрлиги ишкерлер менен келишим түзүп, беткап таңсыктыгын жоюуга аракеттенүүдө.

18-мартта Кыргызстанда коронавирус жуккан алгачкы үч адам аныкталып, буга байланыштуу Сузак районунда өзгөчө кырдаал жарыяланган. Саламаттык сактоо министрлиги 19-мартта Кыргызстанда коронавирустун жаңы учуру катталбаганын билдирди. (RsK)

Пикирлерди көрүңүз (13)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG