16-марттан 21-мартка чейин Жалал-Абад облусунун аймагында курал, ок-дарыларды мыйзамсыз сактоо боюнча ыкчам иликтөө иштери жүрүп, 12 курал, бир травматикалык тапанча алынды. Бул тууралуу облустук ички иштер башкармалыгы кабарлады.
Милициянын маалыматына караганда, жергиликтүүлөр арасында жүргүзүлгөн түшүндүрүү иштеринин натыйжасында тургундар куралды өз ыктыяры менен өткөрүп беришкен. Айрымдары ал курал чоң атасынан калганын, башкалары таап алганын билдиришкен. (TSh)
