Линктер

ЧУКУЛ КАБАР!
11-Май, 2021 шейшемби, Бишкек убактысы 19:09

УКМК: Илдет тууралуу жалган маалымат тараткан дагы бир адам кармалды


Иллюстрациялык сүрөт.

Коронавирус тууралуу жалган маалымат тараткан дагы бир кыргызстандык кармалды. Бул тууралуу 26-мартта Улуттук коопсуздук боюнча мамлекеттик комитет (УКМК) кабарлады.

Мекеменин маалыматына караганда, Оштун 47 жаштагы тургуну Эркинбек Мырзакулов «шаардагы үйлөрдүн биринде жашаган адамдар коронавирус жугузуп алды» деген жалган маалымат тараткан.

«Мырзакулов менен профилактикалык иш-чаралар өткөрүлгөн соң ал кылган ишинин туура эмес экенин мойнуна алып, жалган маалымат бергендиги үчүн кечирим сурады. Атайын кызмат жалган маалымат жана ушак тараткандарды аныктап, табуу, ошондой эле коомдук-саясий жана эпидемиологиялык абалды туруктуу сактоо боюнча тиешелүү иш-аракеттерди жүргүзүүнү улантууда», деп айтылат УКМКнын маалыматында.

23-мартта Кочкор районунун Теңдик айылынын 52 жаштагы тургуну да ушундай негизде кармалганы айтылган.

26-мартка карата Кыргызстанда коронавирус тастыкталган 44 учур катталды, алардын алтоо реанимацияда жатат. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG