Линктер

ЧУКУЛ КАБАР!
15-Июнь, 2021 шейшемби, Бишкек убактысы 15:59

ЖАМК: соттолгондордун дене табы текшерилип жатат


Жазаларды аткаруу мамлекеттик кызматы күнүгө жумушка келген кызматкерлердин, аскерлердин, оорунун белгилери байкалган соттолуучулардын дене табын тепловизорлор менен текшерүүдө. Бул тууралуу мекеменин басма сөз кызматы маалымдады.

Соттолгондордун жайы, ашкана жана кызматкерлердин бөлмөлөрү тартипке ылайык тазаланып жатат. Кызматкерлерге маалыматтык-түшүндүрүү иштери жүргүзүлүп, дезинфекциялоочу каражаттар, медициналык беткаптар менен камсыздандырылды.

19-марттан баштап соттолгондорго жана тергөө абагында отургандар менен жолугушууга, тез бузула турган тамак-ашты киргизүүгө тыюу салынган. Бирок, гигиеналык жана жуунуучу каражаттар, ошондой эле дары-дармектер кабыл алына берет.

Кыргызстанда жети тергөө изолятору, 11 жабык мекеме, 13 жатак абак жана район-шаарларда элүүдөн ашуун жаза аткаруу инспекциялары бар. Алардын баарын кошкондо, расмий эсепте 15 миңдей адам камакта отурат. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG