Линктер

ЧУКУЛ КАБАР!
25-Февраль, 2021 бейшемби, Бишкек убактысы 03:04

Акыйкатчы: Журналисттерге аккредитация берилбегени укук чектөөгө жатпайт


Иллюстрациялык сүрөт.

Акыйкатчы өзгөчө абал учурунда журналисттерге аккредитация берилбегени боюнча түшүндүрмө берди.

Акыйкатчынын түшүндүрмөсүндө Баш мыйзамдын 20-беренесине ылайык, жарандардын укугу жана эркиндиги улуттук коопсуздукту, коомдук тартипти, элдин саламаттыгын сактоо жана башка адамдардын укугу менен эркиндигин коргоо максатында чектелүүгө мүмкүн экени айтылган.

«Конституциянын «Өзгөчө абал» тууралуу мыйзамынын 17-беренесинин 9-пунктунда жазылгандай, аймактын коменданты чукул абал киргизилген жерге журналисттердин аккредитациялоо жана алардын иштөөсү боюнча өзгөчө тартип орното алат. Бул тартип коомдук коопсуздуктун кызыкчылыгы үчүн Баш мыйзамдын чегинде кызмат кылат», деп белгилеген Акыйкатчы.

Бишкек шаарынын комендатурасы Кыргызстанда коронавируска байланыштуу киргизилген өзгөчө абал убагында журналисттердин көчөгө чыгып иштешине уруксат берилбей турганын билдирген. Буга айрым медиа уюмдар каршы чыгып, бул жобо Баш мыйзамга туура келбей турганын эскертишкен. (ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG