Линктер

ЧУКУЛ КАБАР!
25-ноябрь, 2020 шаршемби, Бишкек убактысы 08:41

Сулайманов: Өзгөчө абалды узартууга болбойт


Алтынбек Сулайманов.

Кыргызстанда 15-апрелден кийин өзгөчө абалды узартууга болбойт. Бул тууралуу Жогорку Кеңештин 1-апрелдеги жыйынында «Бир Бол» фракциясынын лидери Алтынбек Сулайманов билдирди. Анын айтымында, эгер өлкөдө өзгөчө абал узарып кетсе жарандардын жашоо-турмушуна, өлкө экономикасына абдан чоң зыян келет.

«15-апрелге чейин тиешелүү органдар коронавирус жугузуп алган адамдарды текшерип, аларды карантинге алыш керек. Ал эми калган жарандардын эркин жүрүшүнө шарт түзүлүшү керек. Болбосо өлкөгө кыйын болуп калат», - деди Сулайманов.

Ошондой эле эл өкүлү учурда коронавирусту аныктоочу тест-системалар абдан аз болуп жатканын белгилеп, өкмөт көп сандаган тесттерди сатып алышы керек экенин кошумчалады.

Алтынбек Сулайманов жетиштүү иш алып бара албаганы үчүн саламаттык сактоо министри Космосбек Чолпонбаевди кызматтан алууну сунуш кылды.

Бүгүн президент Сооронбай Жээнбеков вице-премьер-министр Алтынай Өмүрбекованы жана саламаттык сактоо министри Космосбек Чолпонбаевди кызматтан алганы белгилүү болду. (BkA)

Пикирлерди көрүңүз (11)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG