Линктер

ЧУКУЛ КАБАР!
8-Март, 2021 дүйшөмбү, Бишкек убактысы 10:47

Парламентте Бишкек комендатурасынын иши сынга алынды


Иллюстрациялык сүрөт.

Жогорку Кеңештин 1-апрелдеги жыйынында өлкөдө өзгөчө абал жарыяланган Бишкек шаарынын комендатурасынын ишин депутаттар сынга алышты. Депутат Исхак Пирматов комендантура калкты азык-түлүк менен камсыз кылган ишкерлердин ишине тоскоолук кылып жатканын айтып чыкты.

«Комендатура өкмөт менен кеңешип, экономикалык чаралар боюнча сүйлөшүп жатасыңарбы? Комендатура абдан көп чектөө киргизип жатат», - деди Пирматов.

Мындан башка бир катар депутаттар Бишкек комендатурасынын иши башаламандык менен коштолуп жатканын белгилешти.

Ал эми депутат Элвира Сурабалдиева ушул учурда Улуттук коопсуздук боюнча мамлекеттик комитет жарандарды коркутуп, басым кылып жатканын айтып чыкты.

«УКМК «Сокулукта коронавирус боюнча жалган маалымат таратты» деп, бир адамды кечирим суратып жатат. Силер кимди алдап жатасыңар? Сокулукта чын эле карантин. Райондук акимиатта 40 адам карантинде жатат. Жарандарды коркутууну токтоткула, чектен ашып кетпегиле», - деди Сурабалдиева.

Кыргызстанда коронавирусту жайылтпоо максатында 25-марттан 15-апрелге чейин Бишкек шаары баш болгон үч шаар менен үч райондо өзгөчө абал режими жарыяланган. Анын алкагында саат 20:00дөн 07:00гө чейин коменданттык саат киргизилип, чектөө коюлган. Бул учурда атайын уруксат бар адамдар гана көчөгө чыгышы керек.

Буга чейин президент Сооронбай Жээнбеков комендатуралардын ишинде кемчиликтер бар экенин белгилеген. (BkA)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

Сунуш кылынган арга.

XS
SM
MD
LG