Линктер

ЧУКУЛ КАБАР!
5-декабрь, 2020 ишемби, Бишкек убактысы 20:18

ЭВФ берген акча бюджетти жабууга жана COVID-19 менен күрөшүүгө сарпталат


Иллюстрациялык сүрөт.

Вице-премьер-министр Эркин Асрандиевдин 7-апрелде брифингде берген маалыматына караганда, Эл аралык Валюта Фонду (ЭВФ) Кыргызстанга бөлгөн 129 млн. доллардын алгачкы бөлүгү өлкөнүн эсебине 31-мартта келип түштү.

«Бул акчаны биз бюджеттик чыгашаларга жана коронавирус илдети менен күрөшүүгө сарптайбыз», - деди ал.

Вице-премьер-министр эң ириде бюджеттик кызматкерлердин айлык акысы, пенсия, жөлөк пул төлөнүп берилерин кошумчалады. Мунун ичинде өзгөчө абал жана саламаттык сактоо боюнча чыгашалар да бар. Өтө зарыл болбогон чыгашалар токтотулат.

Мындан тышкары өкмөт мамлекеттик бюджеттин чыгашаларын азайтуу жөнүндө сунуш менен жакынкы күндөрү парламентке кайрылмакчы. Вице-премьер-министр Эркин Асрандиев маалымдагандай, Финансы министрлиги бул маселени карап чыккан.

Асрандиев быйыл бюджетке 32 млрд. сом жетпей калышы жана ИДӨнүн азайышы күтүлүп жатканын кошумчалады.

Кыргызстан 2020-жылы 28 млрд. сомдук тышкы карызын да төлөөгө тийиш. (ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG