Линктер

ЧУКУЛ КАБАР!
2-декабрь, 2020 шаршемби, Бишкек убактысы 12:37

Милиция: Пакистандан келген дааватчыга иш козголду


Иллюстрациялык сүрөт.

Бул тууралуу Нарын облустук ички иштер башкармалыгынын басма сөз катчысы Кундуз Эсенгулова билдирди. Анын айтымында, Нарында алгачкы болуп коронавирус табылган, Пакистандан дааваттан келген киши тиешелүү чектөөлөрдү бузуп, санитардык эрежелерди сактабай жаткандыктан чара көрүү зарылдыгы келип чыккан.

Иш Жазык кодексинин 280-беренеси («Санитардык-эпидемиологиялык эрежелерди бузуу») менен сотко чейинки өндүрүшкө алынды. Ал киши учурда изоляцияда болгондугуна байланыштуу тергөө иштери ал сакайгандан кийин башталат. Учурда кошумча маалымат топтош үчүн иликтөө жүрүп жатат.

Нарын милициясынын маалыматына ылайык, бул жаран Пакистанга дааватка 2019-жылдын ноябрь айында кетип, Кыргызстанга 15-мартта кайтып келген. 30-марта андан коронавирус илдети табылган. Аны менен байланышта болгон үй-бүлө мүчөлөрүнөн, тактап айтканда аялы менен уул-келининен да коронавирус илдети аныкталган.

Буга чейин ал жаран Интернетте эч кандай ооруга чалдыкпаганын, дарылануудан баш тартып жатканын жана үй-бүлөсү дары ичкенден кийин ден соолугу начарлаганын айтып берип жаткан видео тараган. (MiK)

Пикирлерди көрүңүз (26)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG