Линктер

ЧУКУЛ КАБАР!
27-ноябрь, 2020 жума, Бишкек убактысы 12:22

9-апрель: Кыргызстанда коронавирус дагы 10 адамдан табылды (видео)


Иллюстрациялык сүрөт.

Кыргызстанда 9-апрелге карата жаңы коронавирус дагы 10 адамда аныкталды. Бул тууралуу саламаттык сактоо министринин орун басары Мадамин Каратаев билдирди. Жаңы вирус аныкталгандардын бирөө - Бишкекте, бирөө - Аксыда, бирөө - Ноокатта, үчөө - Ош шаарында, төртөө - Сузакта.

Каратаевдин айтымында, жаңы катталгандардын арасында Ош шаарынан жана Аксы районунан эки медицина кызматкери бар. Ошентип, бул илдетке чалдыккан дарыгерлердин саны 34кө жетти.

9-апрелге карата Кыргызстанда COVID-19 жуккандардын жалпы саны 280 болду, алардын төртөө каза тапты.

280 адамдын арасынан:

Ош облусунда – 98

Жалал-Абад облусунда – 86

Ош шаарында – 36

Бишкек шаарында – 36

Нарын облусунда – 10

Чүй облусунда – 7

Баткен облусунда – 4

Ысык-Көл облусунда – 3

COVID-19 инфекциясын жугузган кыргызстандык 280 жарандын ичинде 147 аял, 133 эркек бар.

25-марттан 15-апрелге чейин коронавируска байланыштуу Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, ошондой эле Жалал-Абад облусунун Сузак районунун аймактарына өзгөчө абал киргизилген. (RK)

Пикирлерди көрүңүз (7)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG