Линктер

ЧУКУЛ КАБАР!
26-ноябрь, 2020 бейшемби, Бишкек убактысы 22:08

10-апрель: Кыргызстанда коронавирус дагы 18 адамга жукту, бир бейтап каза болду (видео)


Иллюстрациялык сүрөт.

10-апрелге карата Кыргызстанда коронавирус дагы 18 адамдан табылды. Ноокаттагы аймактык ооруканада бир адам каза болду. Ал 87 жашта болчу. Бул тууралуу 10-апрелде саламаттык сактоо министринин орун басары Мадамин Каратаев билдирди.

Жаңы катталган 18 адамдын алтоо Бишкекте. Чүй облусунда сегиз (Кемин району – 6, Токмок шаары – 1, Аламүдүн району – 1), Жалал-Абад облусунда үч (Сузак району – 2, Жалал-Абад шаары – 1), Ысык-Көл облусунда 1 (Ак-Суу району).

Булардын ичинде аялдар - 7 аял, эркектер - 11. Жаңы катталгандардын бешөө - дарыгерлер.

Ошентип, республика боюнча бул илдетке чалдыккандардын жалпы саны 298 кишиге жетти, каза болгондор - бешөө.

25-марттан 15-апрелге чейин Бишкек, Ош жана Жалал-Абад шаарларынын, Ош облусунун Ноокат, Кара-Суу райондорунун, Жалал-Абад облусунун Сузак районунун аймактарына өзгөчө абал киргизилди. Түнкүсүн көчөгө адам да, машине да чыкпашы керек, күндүз эшикке дүкөнгө, дарыканага жана ооруканага гана барууга уруксат. Топтошуп жүрүүгө, иш-чара өткөрүүгө, уруксаты жок болсо жумушка барууга тыюу салынган. (RK)

Пикирлерди көрүңүз (9)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG