Линктер

ЧУКУЛ КАБАР!
3-Декабрь, 2021 жума, Бишкек убактысы 14:15

ТИМ: Новосибирск аэропортунда кыргызстандык жаран өлгөнү тууралуу маалымат чындыкка дал келбейт


Иллюстрациялык сүрөт.

43 жаштагы кыргызстандык С. А. аттуу жаран Новосибирск шаарында убактылуу жашап, ооруканада жаткан. Анын өлүмүнө оор онкологиялык оорусу себеп болгон. Бул тууралуу Кыргызстандын Орусиянын Новосибирск облусундагы башкы консулдугу маалымдады. Анда ошондой эле айрым маалымат каражаттарында жана соцтармактарда «ал Новосибирск аэропортунда учак күтүп жатып, каза тапты» деп жазылган маалыматтар чындыкка дал келбей тургандыгы да кабарланган.

Маалыматка ылайык, маркумдун сөөгү анын туугандарынын макулдугу менен Новосибирск облусундагы кыргыз диаспорасынын колдоосунда 6-апрелде Новосибирск шаарынын мусулмандар көрүстөнүнө коюлган.

Башкы консулдук Кыргызстандын жалпыга маалымдоо каражаттарын такталбаган маалыматтарды жарыялоодон оолак болууга жана расмий булактарга гана таянууга үндөгөн.

Новосибирскиден үч кыргызстандыктын сөөгү 11-апрелде автоунаа менен Казакстандын аймагы аркылуу мекенине жиберилгенин консулдук 13-апрелде маалымдаган. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG