Линктер

ЧУКУЛ КАБАР!
1-декабрь, 2020 шейшемби, Бишкек убактысы 10:53

Сулайманов: Өкмөт өзгөчө абалдын мөөнөтүн узартуунун себебин айтсын


Жалал-Абад шаарындагы блокпост. 4-апрель, 2020-жыл.

Жогорку Кеңештеги «Бир Бол» фракциясынын лидери, депутат Алтынбек Сулайманов өзгөчө абалдын мөөнөтүн узартуу маселесин карап жаткан жалпы сессияда өкмөт мүчөлөрү 25-марттан берки иштери боюнча маалымат бериши керек экенин айтты. Анын пикирин «Ата Мекен» фракциясынын депутаты Садык Шернияз да колдоду. Ал эми «Өнүгүү-Прогресс» фракциясынын депутаты Исхак Масалиев өкмөттөн маалыматтарды кагаз жүзүндө берип, жарлыкты кийинки отурумда кароону сунуш кылды.

Парламент депутаттары азырынча бул маселе боюнча бир пикирге келе элек.

Кыргызстанда коронавирустун жайылышына жол бербөө максатында 25-марттан бери оору көп катталган Бишкек, Жалал-Абад, Ош шаарларында, Кара-Суу, Ноокат жана Сузак райондорунда өзгөчө абал жарыяланган.

Коронавируска байланыштуу киргизилген өзгөчө абалды аталган аймактарда 30-апрелге чейин узартуу, андан тышкары Нарын шаарына жана Ат-Башы районуна да өзгөчө абал киргизүү, бул аймактарда комендатура түзүү тууралуу президент Сооронбай Жээнбеков 14-апрелде жарлык чыгарган. Жарлык Жогорку Кеңешке бекитүү үчүн жиберилген. (ZKo)

Пикирлерди көрүңүз (4)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG