Линктер

ЧУКУЛ КАБАР!
27-ноябрь, 2020 жума, Бишкек убактысы 12:28

Момбеков: 200 миң сом кенемте пул эмес, келеке пул болуп жатат


Иллюстрациялык сүрөт.

Жогорку Кеңештин депутаты Рыскелди Момбеков 15-апрелдеги парламенттик отурумда дарыгерлердин нааразылыгы тууралуу кеп козгоду.

«200 миң сом деген эмне деген акча? Согуш убагында куралсыз душманга салып берген батальондой кылып эле силер дарыгерлерди эч кандай куралсыз алдыга салып койдуңар. Эми оору жугузуп алгандарын текшерип, комиссия түзөбүз деп жатасыңар. Дарыгерлердин нааразылыгы ушундан пайда болот, аларды кайра ыйлатып, кечирим сураттыңар. Токтоткула, мындайды!» - деди депутат.

Дарыгерлерди вирус жугузгандар көп болгону үчүн кызматтан бошотпош керек экенин дагы бир депутат - Айнуру Алтыбаева да айтып кетти.

Биринчи вице-премьер-министр Кубатбек Боронов бардык иш-аракеттер мыйзам чегинде жасалып жатканын билдирди.

Кыргыз өкмөтү кабыл алган токтомго ылайык иш учурунда коронавирус жугузуп алган медициналык кызматкерге 200 миң сом өлчөмүндө компенсация, ал эми оорудан көз жумган кызматкердин үй-бүлөсүнө 1 млн. сом кенемте төлөнөт.(ZKo)

Пикирлерди көрүңүз (18)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG