Линктер

ЧУКУЛ КАБАР!
27-Ноябрь, 2021 ишемби, Бишкек убактысы 17:15

Кыргызстандын элинин саны 6,5 миллиондон ашты


Алты миллионунчу кыргызстандык кыздын энеси Рахат Белекова. Ош шаары. 26-ноябрь, 2015-жыл.

Кыргызстандын Улуттук статистика комитетинин 2020-жылдын 1-мартындагы маалыматына караганда, өлкөдө элдин жалпы саны 6 млн. 542 миң адамга жетти. Быйыл жыл башынан бери 18,5 миңден ашуун бала жарык дүйнөгө келген.

Жалпы 6,5 млн. элдин 1,367 миллиондон ашыгы Ош облусуна, 1,241 миллиондон ашыгы Жалал-Абад облусуна, 1,057 млн. ашыгы Бишкек шаарына туура келет. Ал эми Чүй облусунда 963 миң, Баткен облусунда 538 миң, Ысык-Көл облусунда 497 миң, Ош шаарында 326 миң, Нарын облусунда 289 миң жана Талас облусунда 267 миңден ашык адам жашайт.

Кыргызстанда алты миллионунчу адам 2015-жылы 25-ноябрда Ош шаарында төрөлгөн. Анын ата-энесине бийлик үй берген. Аны менен удаа туулган дагы 10 баланын ар бирине президенттин фондунан 100 миң сомдон сүйүнчү берилген. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG