Линктер

ЧУКУЛ КАБАР!
26-ноябрь, 2020 бейшемби, Бишкек убактысы 10:12

20-апрель: Коронавирус 14 кишиден жаңы аныкталды (видео)


Иллюстрациялык сүрөт.

Кыргызстанда 20-апрелге карата дагы 14 адамга коронавирус жукканы аныкталды. Ушуну менен СOVID-19га чалдыккандар 568 адамга жетти. Алардын ичинен 140ы - медицина кызматкерлери.

Эки адам коронавирустан каза тапты. Алардын бири Чүй облусунан 70 жаштагы аял, экинчиси Ош шаарында жашаган 79 жаштагы эркек. Экөөндө тең коронавирустан тышкары өнөкөт оорулары болгон.

Коронавируска байланыштуу жалпысынан 7 адам каза болду. Буга чейин 5 адам каза болгону кабарланган.

Акыркы суткада 68 адам илдеттен айыгып чыкты. Жалпысынан ооруну 201 адам жеңди.

Бул тууралуу саламаттык сактоо министринин орун басары Нурболот Үсөнбаев 20-апрелде бирифингде билдирди.

Кыргызстанда COVID-19 илдетине кабылган 568 кишинин аймактар боюнча көрсөткүчү төмөнкүдөй:

Ош облусунда – 147

Бишкек шаарында – 115

Жалал-Абад облусунда – 105

Ош шаарында - 87

Нарын облусунда – 68

Чүй облусунда – 32

Ысык-Көл облусунда – 8

Баткен облусунда – 6 киши.

Кыргызстандагы коронавирус илдети көп катталган аймактар жана шаарлар өзгөчө абалдын шартында жашап жатышат. Ал 30-апрелге чейин уланат. (ZKo)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG