Жакынкы күндөрү Бишкекте Бонецкий менчик лабораториясында коронавирусту аныктоо боюнча иштер башталат. Саламаттык сактоо министринин орун басары Нурболот Үсөнбаевдин 20-апрелдеги маалыматына караганда, каалоочулар Бонецкий лабораториясына кайрылып, илдеттин бар-жок экенин аныктап алышса болот. Коронавируска карата алынуучу анализ тапшыруунун орточо акысы 2000 сом болушу мүмкүн.
Кыргызстанда коронавирус илдетин жугузуп алган алгачкы үч адам 18-мартта катталган.
20-апрелге карата жалпы вируска чалдыккан адамдардын саны 568 болду. Анын ичинен 201 адам оорудан айыгып чыкты. Жети киши илдеттен көз жумду. Коронавирус жуккандардын арасында 140 медицина кызматкери бар. (ZKo)
