Линктер

ЧУКУЛ КАБАР!
3-декабрь, 2020 бейшемби, Бишкек убактысы 03:49

Ататүрк аэропортуна талаштуу оорукана курулууда


Ататүрк аэропортуна оорукана куруу иштери жүрүүдө

Стамбулдун Ататүрк аэропортунун үч учуп-конуу тилкесинин экөөнө коронавирустан жабыркагандар үчүн оорукана курулууда. Апрелдин башында өлкө президенти Режеп Тайып Эрдоган ал жерге 45 күндө миң кишилик оорукана куруларын билдирген.

Бул чечимди Стамбулдун мэри Экрем Имамоглу кескин сынга алды.

"Чынында Стамбулда жер титирөө сыяктуу башка да коркунучтар бар. Бирок Ататүрк аэропортунун жанында конгресс борбору, ошондой эле бош талаа бар эле. Түрдүү максатка колдонсо боло турган башка жер турганда эки учуп-конуу тилкесин жок кылуу атайын жасалган иш жана кылмыш" - дейт борбордук өкмөткө оппозициячыл маанайдагы мэр.

Өткөн жылы жаңы Стамбул аэропорту ишке берилген. Ошондон соң башкы аба майданы катары кызмат көрсөтүп келген Ататүрк жүк учактарын жана өкмөттүк каттамдарды гана тейлеп калган.

1999-жылы Стамбулда катуу зилзала 17 миң ашуун кишинин өмүрүн кыйган.

Ал эми коронавирус жуктуруп алгандар дүйшөмбүгө карата 86 миңге жетип, статистика боюнча Түркия Иран менен Кытайды ашып өттү.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG