Линктер

ЧУКУЛ КАБАР!
29-ноябрь, 2020 жекшемби, Бишкек убактысы 15:44

ИИМ: 21-апрелге карата коменданттык сааттын талаптарын 114 адам бузду


Блокпосттогу милиционер. Ош шаары. 15-апрель, 2020-жыл.

Акыркы суткада саат 21:00-06:00 аралыгында Кыргызстанда коменданттык сааттын талабын бузган 114 адам кармалып, беш автоунаа атайын токтотмого киргизилди.

Алардын ичинен: Бишкек шаарында – 91, Жалал-Абад шаарында – 3,
Ош шаары боюнча - 6, Нарын шаары боюнча - 8, Ат-Башы району боюнча - 5, Сузак району боюнча - 1 адам коменданттык сааттын талаптарын бузган. Ал эми Ноокат жана Кара-Суу райондорунда тартип бузгандар катталган жок.

Жалпысынан алганда 25-марттан тартып 3084 жаран коменданттык сааттын талаптарын бузуп кармалган.

ИИМ жарандарды өзгөчө абалдын жана коменданттык сааттын талаптарын так аткарууга чакырды. Мындан тышкары Интернет аркылуу жалган маалымат тараткандарга мыйзам чегинде жоопкерчилик каралганын эскертти.

Кыргызстандын коронавирус көп катталган Бишкек, Жалал-Абад, Нарын, Ош шаарларында, Ат-Башы, Кара-Суу, Ноокат жана Сузак райондорунда президенттин жарлыгы менен 30-апрелге чейин өзгөчө абал жарыяланган. Бул аймактарда саат 21:00 – 06:00 аралыгында көчөдө адам да, машине да жүрбөшү керек. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG