Линктер

ЧУКУЛ КАБАР!
2-Март, 2021 шейшемби, Бишкек убактысы 11:38

Мамкаттоо паспорттордун мөөнөтүн узартууну сунуш кылууда


Иллюстрациялык сүрөт.

Мамлекеттик каттоо кызматы Кыргызстан жарандарынын ички жана жалпы жарандык паспортторунун мөөнөтүн, ал эми чет элдик жарандардын каттоо мөөнөтүн узартуу үчүн токтом долбоорун сунуш кылды.

Долбоордо буга коронавирус пандемиясына байланыштуу өлкөдө киргизилген өзгөчө абалга байланыштуу жер-жерлерде калкты тейлөө борборлору иштебей калганы себеп болуп жатканы айтылган.

Юстиция министрлигинин сайтына жарыяланган токтом долбоорунда мөөнөтү бүтүп калган паспортун, каттоосун убагында алмаштыра албай калган жарандарга айып пул төлөбөстөн, алардын мөөнөтүн 2020-жылдын 1-сентябрына чейин узартуу мүмкүнчүлүгүн берүү каралган.

Мамлекеттик каттоо кызматы мындан тышкары мектептердин паспорт алууга жетишпей калган бүтүрүүчүлөрдүн Жалпы республикалык тестирлөөгө туулгандыгы тууралуу күбөлүк менен киришине уруксат берүүнү да сунуш кылган.

Коронавирус пандемиясына байланыштуу 22-марттан тартып Кыргызстанда өзгөчө кырдаал, Бишкек, Жалал-Абад, Нарын, Ош шаарларында, Ат-Башы, Кара-Суу, Ноокат жана Сузак райондорунда өзгөчө абал жарыяланган. Мамлекеттик каттоо кызматынын калкты тейлөө борборлору 31-марттан кырдаал турукташканга чейин убактылуу жабылган. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG