Линктер

ЧУКУЛ КАБАР!
2-декабрь, 2020 шаршемби, Бишкек убактысы 03:16

Дин комиссиясы жарандарды орозодо өзгөчө абалдын талаптарын бузбоого чакырды


Ош шаары, Сулайман-Тоо мечити.

Дин иштери боюнча мамлекеттик комиссия кыргызстандык мусулмандарга кайрылып, орозодо карантин эрежелерин сактоого чакырды.

23-апрелде таратылган бул билдирүүдө ооз ачарга, таравих намазга чогулбай, жөрөлгөлөрдүн баарын үйдө, элди чогултпай өткөрүү сунуш кылынган.

Бишкек шаарынын коменданты Алмазбек Орозалиев да 23-апрелдеги брифингде орозо маалында жарандарды өзгөчө абалдын талаптарын бузбоого чакырды:

«Быйыл Орозо айы карантин жана өзгөчө абалга туш келип отурат. Ошондуктан, биз бул ыйык айда сабырдуу болуп, муфтияттын айтканын угуп, ооз ачуу жана намаз окууну үйдөн гана жүргүзүүгө чакырабыз».

Кыргызстандын муфтийи Максатбек ажы Токтомушев да 15-апрелдеги видеокайрылуусунда орозодогу диний иш-чараларды үйдөн чыкпай уюштурууга үндөгөн.

Мусулмандардын бир айлык ыйык орозо айы 24-апрелде башталат.

Коронавирус пандемиясынан улам Кыргызстанда 22-марттан тартып Бишкек, Жалал-Абад, Нарын, Ош шаарларында, Ат-Башы, Кара-Суу, Ноокат жана Сузак райондорунда өзгөчө абал киргизилген. Өзгөчө абал 30-апрелге чейин уланат. Мындан тышкары Кыргыз өкмөтүнүн чечимине ылайык республиканын бардык аймактарына өзгөчө кырдаал шартындагы эрежелер киргизилген.

Мечиттерге барып намаз окууга, анын ичинде жума намазга чогулууга да убактылуу тыюу салынган. (SE/ZKo)

Пикирлерди көрүңүз (3)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG