Линктер

ЧУКУЛ КАБАР!
25-ноябрь, 2020 шаршемби, Бишкек убактысы 03:02

COVID-19: Кыргызстанда бир бейтапка 8 миң - 120 миң сом сарпталууда


Иллюстрациялык сүрөт.

Кыргызстанда COVID-19 вирусуна чалдыккан бир бейтапты оорукана шартында дарылоого абалына жараша орто эсеп менен 8 миң сомдон 120 миң сомго чейин каражат сарпталып жатат. Бул тууралуу 24-апрелде Коронавируска каршы республикалык штаб кабарлады.

Штаб Саламаттык сактоо министрлигине таянып билдиргенине караганда, бул суммага дары-дармектин баасы, бейтаптын ооруканада жатканы, медициналык каражаттардын, анализдердин жана изилдөөлөрдүн баасы кирет.

Буга чейин Кыргызстанда коронавируска чалдыккан бир бейтапка болжол менен үч миң доллар каражат кетип жатканы тууралуу маалымат тараган.

Кыргызстанда 18-марттан 24-апрелге чейин коронавирус 656 адамдан табылды, алардын ичинен 8 бейтап кайтыш болду, 322 бейтап айыгып кетти. 326 бейтап ооруканада жатат, алардын бешөө реанимацияда.

Республикалык штаб Кытайда бир бейтапка доллар менен эсептегенде 3 миңден 140 миңге, АКШда 38 миңден 73 миңге, Өзбекстанда 3 миңден 6 миңге чейинки каражат сарпталып жатканын маалымдады. (RK)

Пикирлерди көрүңүз (42)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG