Линктер

ЧУКУЛ КАБАР!
27-ноябрь, 2020 жума, Бишкек убактысы 05:22

Бишкекте 74 миң үй-бүлөгө азык-түлүк берилди


Азык-түлүк салынган баштыктар. Иллюстрациялык сүрөт. Сүрөт Ош мэриясына таандык.

Кайрымдуулук уюмдарынын эсебинен жана шаардык бюджеттен 74 миңге жакын үй-бүлөгө азык-түлүк жардамы берилди. Бул 28-апрелге карата жардам алган үй-бүлөлөр экенин шаардык мэриянын аппарат башчысы Балбак Түлөбаев 28-апрелде брифингде билдирди.

«Бишкек шаары боюнча 76 483 үй-бүлө аз камсыз болгондор катары тизмеге киргизилген. Булардын баарына күнүмдүк жашоого зарыл болгон азык-түлүк жеткирилүүдө. Мындан тышкары шаарга чектеш жайгашкан Сокулук жана Аламүдүн районуна караштуу жаңы конуштардагы 2500 үй-бүлөгө гуманитардык жардам берилген», - деди Түлөбаев.

Анын маалыматына караганда, аз камсыз болгон үй-бүлөлөргө өкмөттөн 6000 кап ун бекер таратылган. 9600 үй-бүлөгө араб кайрымдуулук фонддору берген азык-түлүк жардам баштыктары берилди.

Балбак Түлөбаев гуманитардык жардам таратууда коррупцияга жол берилбей турганын, муктаж адамдардын баарына азык-түлүк жеткирилерин эскертти.

Коронавирус пандемиясына байланыштуу Бишкекте 25-марттан тартып өзгөчө абал жарыяланган. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG