Тажикстан коронавирустан кантип сактанат?

Тажикстандын бардык мектеп жана бала бакчаларында 27-апрелден 10-майга чейин каникул жарыяланды. Билим берүү жана илим министрлигинин билдирүүсүнө ылайык, мындай чечим COVID-19 илдетинин жайылышын алдын-алуу үчүн түзүлгөн республикалык штабдын жыйынында кабыл алынган. Бүгүнкү күндө Тажикстанда коронавирустун лабораториялык  шартта далилденген учуру катталган эмес. Ошол эле маалда өпкөсү сезгенип, кургак учуктан бир нече кишинин каза тапканы, маркумдар жабык табытта жерге берилип, алардын жакындары карантинге алынып жатканы тууралуу кабарлар чыгып жатат.