Линктер

ЧУКУЛ КАБАР!
4-Март, 2021 бейшемби, Бишкек убактысы 20:03

Казакстан кыргыз мигранттарына транзит жол ачуу маселесин кароого даяр экенин билдирди (видео)


Иллюстрациялык сүрөт.

Казак бийлиги мекенине кайтып келе жатып орус-казак чек арасында калган кыргыз жарандары боюнча жооп берүүгө даяр экендигин билдирди. Бул тууралуу 29-апрелде өткөн брифингде Кыргызстандын тышкы иштер министринин орун басары Нуран Ниязалиев айтты:

«Албетте, аларда да коронавирустун таралышы боюнча кооптонуу бар. Кыргызстанда деле бир облустан башка облуска, ал тургай бир райондон экинчисине өтүүгө кыйынчылык туулуп жатат. А бул жерде Казакстандын 2 миңден ашуун чакырымын, төрт облусун аралап өтүүгө туура келет. Ошондуктан казак тарап кооптонуу менен карап, бирок биздин суранычтарга жооп берүүгө даярдыгын билдирүүдө».

Орусиянын шаарларынан автоунаа менен жолго чыккан 200дөй кыргыз жараны коронавирустан улам киргизилген чектөөлөрдүн айынан Оренбург облусундагы орус-казак чек ара тилкесинде турганына 1,5 айга чамалады.

Мындагы Соль-Илецк аймагындагы чек ара өткөрмөсү 17-мартта жабылып калган.

Аталган жарандардын Кыргызстанга өтүп кетишине Казакстан уруксат бербей жатканы белгиленген. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG