Линктер

ЧУКУЛ КАБАР!
1-декабрь, 2020 шейшемби, Бишкек убактысы 18:11

Премьер-министр: 1 миллиондон ашык киши убактылуу ишсиз отурат


Мухаммедкалый Абылгазиев.

Коронавирус пандемиясынан улам Кыргызстанда 1 миллиондон ашык киши убактылуу ишин токтотуп, жумушсуз отурат. Бул тууралуу премьер-министр Мухаммедкалый Абылгазиев 30-апрелде Жогорку Кеңештин жыйынында айтты.

«Алар жумушка чыккандан кийин деле бизнесинде өзгөрүүлөр болот. Кээ бири жабылат. Биз ушунун баарын анализ кылып жатабыз», - деди өкмөт башчы.

Улуттук статистика комитетинин маалыматына ылайык, өлкө боюнча жалпы жумушсуздардын саны 156 300 кишини түзөт. Адистер COVID-19 вирусуна байланыштуу чет мамлекеттерде да бир катар ишканалар жабылгандыктан кыргыз мигранттары өлкөгө кайтарын, ушундан улам жумушсуздардын саны дагы көбөйөрүн эскертип жатышат.

1-майдан тартып Кыргызстанда ишкердиктин бир катар түрлөрү иштеп баштайт. Анын ичинде өнөр жай өндүрүшү, тоо-кен, энергетикалык тармак, текстиль, эмерек чыгаруу ишканалары бар. Курулуш объектилери, сугат, жол куруу иштери жанданат.

Мухаммедкалый Абылгазиев бул тармактарда 130 миңге жакын киши жумушка чыгарын билдирген.

Коронавирус пандемиясынан улам Бишкек, Жалал-Абад, Ош шаарларында жана Нарын облусунун Ат-Башы районунда өзгөчө абал режими 10-майга чейин узартылды. (BTo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG