Ооганстандын түштүгүндөгү Гилменд провинциясында 3-майдын кечинде талибдер аскердик жайга чабуул коюшту. Ал борбордо ооган армиясынын 150дөй жоокери жайгашкан. «Талибан» кол салууну уюштурганын моюнга алып, «ондогон» аскер окко учканын, бир нечеси жарадар болгонун билдирди.
Ооганстандын атын атабаган расмий адамдарынын бири «Tolo News» каналына бери дегенде 5 киши өлгөнүн айтты.
