Өзгөчө кырдаалдар министрлигинин басма сөз катчысы Элмира Шерипованын “Азаттык” радиосуна билдиргени боюнча, Панфилов – Жибек Жолу көчөлөрүнүн кесилишинде орун алган кафеден чыккан өрт саат 10:38де чектөөгө алынды. Алдын-ала маалыматтар боюнча өрт 250 чарчы метр аянтты каптаган.
Кафенин жанында азык-түлүк дүкөнү, машине оңдоочу жай, көп кабаттуу жана жер үйлөр бар.
Бишкектин борбордук бөлүгүндө, Панфилов – Жибек Жолу көчөлөрүнүн кесилишинде орун алган кафеден өрт чыкканы тууралуу маалымат 8-май күнү саат 10:17 чамасында келип түшкөн.
Кырсык болгон жерде өрт өчүрүү кызматынын эки атайын бөлүмү иштеп жатат.(ZKo)
