АКШ экономикасы пандемиянын фонунда апрель айында 20 миллиондон ашуун жумуш ордун жоготту. Бул соңку 90 жылдагы эң начар көрсөткүч катары сыпатталууда.
"Reuters" агенттиги жазгандай, жумушсуздук 14,7% өстү. Бул Экинчи дүйнөлүк согуш бүткөнден берки эң төмөн көрсөткүч. 1982-жылы 10,85 болгон.
2020-жылдын күзүндө АКШда президенттик шайлоо пландалган. Агенттик өлкөдөгү экономикалык жагдай азыркы президент Дональд Трамптын кайрадан шайланышына да таасирин тийгизиши мүмкүн экенин жазды.
Жон Хопкинс университетинин маалымат базасы көрсөткөндөй, 9-майга карата 1 миллион 290 миңге жакын адам коронавируска чалынды. Алардын 76 500дөн көбү айыкты.
