Линктер

ЧУКУЛ КАБАР!
16-Январь, 2021 ишемби, Бишкек убактысы 02:06

11-майдан баштап иштөөгө уруксат берилген жайлардын тизмеси жарыяланды


Бишкек. Иллюстрациялык сүрөт.

Кыргыз өкмөтү айрым тармактардын ишин жандантууга уруксат берди. Жекшембиде Республикалык ыкчам штабдын жыйынында премьер-министр Мухаммедкалый Абылгазиев коронавирустун жайылышына каршы күрөшүүнүн маанилүү этабы келгенин билдирди.

11-майдан баштап төмөнкү багыттагы экономикалык ишмердүүлүккө уруксат берилет:

1. Финансылык жана башка кызмат көрсөтүү чөйрөсүнөн:

- микрофинансылык уюмдар;

- камсыздандыруу компаниялары;

- күрөөкана;

- акча алмаштыруу пункттары;

- кыймылсыз мүлк боюнча агенттиктер;

- туристтик агенттиктер;

- адвокаттык кызматтар;

- басма кызматтары.

2. Калкты тейлөө кызматтарынан:

- сантехникалык, электромонтаждык жана жыгач устачылык иштер;

- тиричилик техникаларын, машиналарды, аппараттарды жана шаймандарды оңдоочулар;

- химиялык тазалоо.

3. Соода чөйрөсүнөн:

- курулуш материалдарынын дүкөндөрү жана базарлары;

- автотетик, велотетик, комплекттөөчү тетиктер, май жана автомобиль сырларын сатуу базарлары;

- тигүү жана булгаары иштетүү тармактары үчүн кездемелерди, фурнитураларды жана башка буюмдарды сатуу базарлары;

- автосалондор – авторыноктордон сырткары.

4. Жалпыга маалымдоо каражаттары.

Коомдук транспорттордун иштешине уруксат берилбейт.

Эпидемиологиялык кырдаалга жараша мамлекеттик органдарда ишке чектелген сандагы кызматкерлер чыгат. (SE)

Пикирлерди көрүңүз (19)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG