Линктер

ЧУКУЛ КАБАР!
13-Май, 2021 бейшемби, Бишкек убактысы 18:09

Өзгөчө кырдаал учурунда 536 үй-бүлөлүк зомбулук катталган


Иллюстрациялык сүрөт.

Кыргызстанда өзгөчө кырдаал жарыяланган 22-марттан бери 536 үй-бүлөлүк зомбулук катталган. Бул мурунку жылдарга салыштырмалуу 42% көп. Мындай маалыматты ички иштер министри Кашкар Жунушалиев бүгүн, 13-майда парламент отурумунда депутат Аида Касымалиеванын суроосуна жооп берип жатып билдирди. Министрдин айтымында жалпы жыл башынан бери 2019 үй-бүлөлүк зомбулук учуру катталган. Бул былтыркы жылга салыштырмалуу 65% арбын.

Депутат Аида Касымалиева карантин учурунда жашы жете элек он бала өмүрүн кыйганын эске салып, 1-июнга карата, Балдарды колдоо жылына карата кандай колдоо иш-чаралар өткөрүлүп жатканына кызыкты. Депутаттын суроосуна вице-премьер-министр Аида Исмаилова жооп берип, Балдарды колдоо жылына карата жүргүзүлүүчү иш-чаралардын планы бекитилгенин айтты. Исмаилованын айтымында планды ишке ашыруу боюнча мамлекеттик органдарга тапшырма берилди.

Карантин учурунда Кыргызстанда үй-бүлөлүк зомбулук күч алганын укук коргоочулар да тынчсыздануу менен белгилеп келе жатышат. (ZKo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG