Орусиядан дагы 164 кыргызстандык мигрант мекенине жеткирилди. Тышкы иштер министрлигинин (ТИМ) маалыматына караганда, 20-майда Оренбург шаарынан «Tez Jet» авиакомпаниясынын атайын чартердик учагы Бишкекке келди.
ТИМ билдиргендей, алардын экөө балдар, 82си аял (алардын 33ү кош бойлуу) жана улгайган же ден соолугу начар деген эркектер.
Мындан тышкары Оренбургда, орус-казак чек арасында топтолуп турган кыргызстандыктарды Казакстан аркылуу автобус менен алып келүү маселеси да иштелип чыкканы маалым болгон.
Буга чейин Кыргызстандын Орусиядагы элчилиги Бузулук районунда турган 500гө жакын кыргызстандыкты мекенине кайтаруу аракети уланып жатканын билдирген. (RK)
