Линктер

ЧУКУЛ КАБАР!
25-Июнь, 2021 жума, Бишкек убактысы 02:38

Кыргызстан Кытайдан карыз төлөөдө жеңилдик берүүнү суранды


Кытай менен Кыргызстандын мамлекеттик туулары.

Кыргызстандын тышкы иштер министри Чыңгыз Айдарбеков кытайлык кызматташы Ван И менен кыргыз-кытай чек арасындагы өткөрмө бекеттеринин ишин жандандыруу маселесин талкуулады. Кыргызстандын тышкы саясий мекемесинин басма сөз кызматы эки өлкөнүн министрлери 26-майда телефондон сүйлөшкөнүн билдирди.

Маалыматка караганда, анда Кыргызстанда кыргыз-кытай биргелешкен долбоорлорун ишке ашырыш үчүн Кытайдын адистеринин өлкөгө келиши тууралуу да сөз болду.

Чыңгыз Айдарбеков андан тышкары коронавирустун Кыргызстандын экономикасына тийгизген таасирин эске алып, кызматташы Ван Ини Кытайга карата мамлекеттик карызды төлөөдө жеңилдик берүү жагына көңүл бурууга чакырды.

Ушул жылдын апрель айында президент Сооронбай Жээнбеков да Кытайдын лидери Си Цзиньпиң менен телефондон сүйлөшүп, Кытайдын алдындагы тышкы карыз боюнча төлөмдү жеңилдетүү жана төлөө мөөнөтүн узартуу мүмкүнчүлүгүн караштырууну сунуш кылган.

Расмий маалыматтар боюнча, Кыргызстандын тышкы карызы 3,7 миллиард доллар болсо, бул карыздын эң чоң бөлүгү же 1,7 миллиард долларга жакыны Кытайга туура келет. (BTo)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG