Линктер

ЧУКУЛ КАБАР!
20-Июнь, 2021 жекшемби, Бишкек убактысы 10:42

Чек арачы катышкан чыр боюнча кызматтык иликтөө башталды


Ош - Сары-Таш - Эркечтам жолу. Иллюстрациялык сүрөт.

Жол кыймыл коопсуздугун көзөмөлдөө башкармалыгынын инспектору менен Мамлекеттик чек ара кызматынын аскери катышкан чатак боюнча кызматтык иликтөө башталды. Бул тууралуу Мамлекеттик чек ара кызматы «Азаттыкка» кабарлады.

Ош облустук ички иштер башкармалыгынын (ОИИБ) басма сөз кызматы тараткан маалыматка ылайык, окуя 26-май күнү саат 22:00 чамасында Ош - Сары-Таш - Эркечтам жолунда, «Таш-Коро» санитардык-карантин постунда болгон. Ага ылайык, жол тартибин көзөмөлдөөчү инспектор БМВ үлгүсүндөгү автоунааны токтоткон кезде экөөнүн ортосунда пикир келишпестик пайда болуп, айдоочу автоунаасы менен инспекторду сүзүп кетип калган. Натыйжада 22 жаштагы инспектор жаракат алып, ооруканага жеткирилген.

27-май күнү машиненин ээси кармалган. Ал Мамлекеттик чек ара кызматынын аскери болуп чыккан.

Бул иш Жоруктар кодексинин 266-беренеси («Ээнбаштык») боюнча бирдиктүү реестрге катталып, сотко чейинки өндүрүшкө алынган.

28-май күнү Алай райондук соту кармалган чек арачынын бөгөт чарасын карап, аны үй камагына чыгарган. (ZKo/DU)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG