Линктер

ЧУКУЛ КАБАР!
16-Июнь, 2021 шаршемби, Бишкек убактысы 04:36

Боронов Баткенге барды, өзбек өкмөтүнүн башчысы менен жолугушат


Кубатбек Боронов.

Биринчи вице-премьер-министр Кубатбек Боронов Баткен облусунун Кадамжай районуна барды. Өкмөттүн басма сөз кызматы кабарлагандай, ал кыргыз-өзбек чек арасына чектеш аймакта чыккан окуя боюнча Өзбекстандын премьер-министри Абдулла Арипов менен жолугушуу өткөрөт.

Ошондой эле Боронов укук коргоо жана жергиликтүү бийлик органдарынын өкүлдөрү менен ыкчам кеңешме өткөрөт.

Өкмөттүн маалыматына караганда, учурда абал жөнгө салынды. Кыргыз өкмөтү коопсуздук чараларын күчөттү.

31-майда кыргыз-өзбек чек арасында чыккан чатактан Кыргызстан тараптан 15 адам түрдүү жаракат алып, дарыгерлерге кайрылганын Саламаттык сактоо министрлиги маалымдады. Өзбекстан тараптан да жаракат алгандар бар экени айтылууда. Сохтук тургун «Озодлик» радиосуна 16 адам түрдүү жаракат алганын кабарлаган, расмий маалымат айтыла элек. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG